AZ
RU
“İran qaz bazarında Rusiyaya rəqib olmayacaq”
İran özünə qarşı iqtisadi-maliyyə sanksiyalarının götürüləcəyi təqdirdə dünya qaz bazarında Rusiyanı əvəzləməyəcək.
"Xeberinfo.com": Musavat.com-un məlumatına görə, belə bir bəyanatla İran prezidenti Həsən Ruhani çıxış edib.
Onu sözlərinə görə, hazırda İranın belə imkanları da yoxdur.
“Bundan əlavə, Tehran Moskva ilə rəqabət aparmaq niyyətində deyil və onunla əməkdaşlığı üstün tutur. Rəqabət problemli yox, sağlam olmalıdır. Elə olmamalıdır ki, qazanc yalnız alıcının olsun, ixracatçılar isə ziyan çəksin. Ona görə də qaz məsələsində energetikada olduğu kimi, ən optimal yol – əməkdaşlıq və qarşılıqlı uzlaşmadır. Biz bütün sferalarda Rusiya ilə birgə koordinasiyalı fəaliyyətə hazırıq”, – deyə Ruhani vurğulayıb.
Qeyd edək ki, son vaxtlar Avropa Birliyi İran qazına Avropa bazarında Rusiya qazının əsas alternativi kimi baxmağa başlayıb. Rusiya mavi yanacağı Avropanın ehtiyaclarının 30 faizinə yaxınını təşkil edir.
(5).jpeg)
