Cahangir Hacıyevə yaxın şirkətlərin rəhbərlərinə verilən möhlət bitib; Beynəlxalq Bankın Rusiyadakı törəməsinin rəhbəri işdən çıxarıldı

Xeberinfo.com:   Azərbaycan Beynəlxalq Bankının (ABB) Rusiyada törəmə müəssisəsi olan “ABB-Moskva”nın Idarə Heyətinin sədri Fuad Abdullayev işdən çıxarılıb.

Onun yerinə hələlik təyinat olmayıb. Bu vəzifənin müvəqqəti idarə olunması Rəfael Abbasova həvaləolunub.

Rəfael Abbasov 2011-ci ilin dekabrında “ABB-Moskva”nın Idarə Heyətinin sədrinin müavini vəzifəsinətəyin edilib(APA).

Bəzi məlumatlara görə, Fuad Abdullayevin işdən çıxarılması Beynəlxalq Bankla bağlı kredit qalmaqalı iləəlaqəlidir. Hətta onun həbs ediləcəyi barədə də iddialar var. Qeyd edək ki, “kredit qalmaqalı”nın ilk günlərində Beynəlxalq Bankın Birləşmiş Ərəb Əmirliklərindəki nümayəndəliyinin rəhbəri Adil Hüseynov həbs olunub.

Ümumiyyətlə isə redaksiyamıza daxil olan məlumatlarda bildirilir ki, yaxın günlərdə “kredit qalmaqalı” iləbağlı yeni həbslər dalğası başlayacaq. Iddialara görə, əsasən Beynəlxalq Bankdan kredit götürən Cahangir Hacıyevə yaxın şirkətlərin məsul işçiləri cinayət məsuliyyətinə cəlb olunacaq. Məlumat üçün deyək ki, bu şirkətlərin sayı 40-a yaxındır. Kredit qalmaqalının ilk günlərində onlardan çoxunun rəhbəri DIN-inin Baş Mütəşəkkil Cinayətkarlığa Qarşı Mübarizə Idarəsinə aparılmışdı. Bəziləri kredit borcunu ödədidiyinə sərbəst buraxılmışdı. Bəziləri isə hələ də həbsdədir. Möhlət verilən şirkətlər də var. Bildirilir ki, artıq onlara verilən müddət başa çatıb. Lakin hələ də kreditlər ödənilməyib. Ona görə də onların həbs olunması barədə qərar verilib.

Azadliq.info