AZ
RU
“Bank işi”nə görə MMC rəhbəri həbs edilib
"Maliyyə xəyanəti"nə görə həbs olunan daha bir nəfərin kimliyi bəlli olub.
"Xeberinfo.com": Məlumata görə, bu barədə "Qafqazinfo"ya həmin şəxsin həyat yoldaşı zəng edərək məlumat verib. Məlumata görə, "Beynəlxalq Bank İşi"ndə saxlanılan şəxslərdən daha biri Şəki “Aqro-İndastri ” MMC-nin süd emalı zavodunun direktoru Rəfael Rəhimovdur. Onun həyat yoldaşı Kifayət Rəhimova sayta bildirib ki, əri digər iş adamları kimi mayın 12-də "Bandotdel"ə dəvət olunub və orada saxlanılıb: “Bu günə kimi isə əri ilə heç bir əlaqə yaratmaq mümkün olmayıb”.
Kifayət Rəhimova bildirib ki, sözügedən süd emalı zavodu 2006-cı ildə açılıb, əri isə 2009-cü ildən həmin quruma rəhbərlik edib. Şirkət Beynəlxaq Banka məxsus olub. Onun sözlərinə görə, həyat yoldaşının 54 yaşı var.
.jpg)
