"Deep Knowledge Group" adlı konsorsiumun hazırladığı "koronavirusa qarşı ən təhlükəsiz ölkələr"in siyahısı diqqət çəkib.

Yenixeber.org: Yeni araşdırmaya görə, COVID-19 pandemiyasına qarşı ən etibarlı ölkə İsveçrədir. Sözügedən konsorsiumun hazıradığı siyahıda ölkələr kateqoriyalara ayrılıb. Türkiyənin yer aldığı kateqoriyada Küveyt, İrlandiya, Bəhreyn, Finlandiya, Lüksemburq, Qətər, Lixtenşteyn, Polşa, Litvaniya. Malaziya, Sloveniya, Yunanıstan, Estoniya, Xorvatiya, Gürcüstan kimi ölkələr daxil olub.

Araşdırmaya nəticəsində COVID-19 pandemiyasını qlobal səviyyədə ən yaxşı İsveçrə idarə etdiyi məlum olub. Bu baxımdan ikinci sırada Almaniya, üçüncü isə İsrail yer alıb. Siyahıda 200 ölkəninin yer aldığı siyahıda ABŞ 58-ci yerdədir. Siyahıda Azərbaycan 75-ci yerdə qərarlaşıb.

Virusa qarşı ən təhlükəli ölkələr isə Afrika ölkələri hesab olunur.

Londonda fəaliyyət göstərən süni intellekt və təhlil mərkəzi olan "Deep Knowledge Group" yoluxmaların ilk ortaya çıxdığı andan əldə etdiyi nəticələr əsasında siyahını tərtib edib. Araşdırma zamanı 11 min 400 nəticə yoxlanılıb.(mediapost)