AZ
RU
Türkiyə Netanyahunun həbsinə order verdi
İstanbul Baş Prokurorluğu İsrailin Baş naziri Benyamin Netanyahunun həbsinə order verib.
Yenixeber.org: Məlumata görə, həmçinin 37 İsrail rəsmisinin də həbsinə order verilib. Onlar arasında müdafiə naziri İsrael Katz, milli təhlükəsizlik naziri İtamar Ben Qvir, Baş Qərargah rəisi Herzi Halevi və yüksək rütbəli komandirlər də var.
İstintaq sənədində bildirilir ki, İsrail 7 oktyabr 2023-cü ildən bəri mülki şəxslərə, xəstəxanalara və infrastruktura sistematik hücumlar həyata keçirib və nəticədə qadın və uşaqlar da daxil olmaqla, minlərlə mülki şəxs həlak olub.
Baş Prokurorluq, həmçinin 6 yaşlı Hind Rəcəbin İsrail əsgərləri tərəfindən 335 güllə ilə öldürülməsini, Əl-Əhli Baptist Xəstəxanasına edilən hücumda 500 nəfərin qətliamını, Türkiyə-Fələstin Dostluq Xəstəxanasının bombalanmasını və humanitar yardımın qarşısının alınmasını da istintaq sənədinə daxil edib.
(5).jpeg)
