"Konkret vaxt bəlli deyil, ümid edirik ki, tezliklə görüş olacaq”

Yenixeber.org: Rusiya və ABŞ prezidentləri Vladimir Putin və Donald Tramp arasında Türkiyədə görüş yaxın vaxtlarda baş tuta bilər. Lakin hələlik konkret tarixlər və ya vaxt bəlli deyil. Bu barədə “RİA Novosti” Türkiyə lideri Rəcəb Tayyib Ərdoğanın administrasiyasındakı mənbəyə istinadən məlumat yayıb.

"Konkret vaxt bəlli deyil, ümid edirik ki, tezliklə görüş olacaq”, mənbə qeyd edib.

O həmçinin vurğulayıb ki, Türkiyə hakimiyyəti Rusiya və Ukrayna arasında danışıqların yeni raundunun keçirilməsi ilə bağlı hələ də siqnal almayıb. Ərdoğan administrasiyasındakı mənbə əlavə edib ki, Türkiyə bu məsələdə istənilən vaxt vasitəçiliyini bərpa etməyə hazırdır.