AZ
RU
Böyük Britaniyanın mərhum kraliçası II Elizabetin 19 sentyabr tarixində baş tutacaq dəfn mərasimi ilə bağlı bəzi qadağalar müəyyən edilib.
Yenixeber.org: Mərasimə qatılacaq xarici ölkə liderlərinə Britaniyaya şəxsi təyyarə ilə gəlməmələri tövsiyə edilib. Həmçinin qeyd olunub ki, liderlərin istifadəsi üçün xüsusi zirehli maşınlar ayrılmayacaq.
Şəxsi təyyarə ilə gəlməkdə israr edən liderlər Londondan aralıda yerləşən hava limanlarına üz tutmalı olacaqlar.
Qeyd edək ki, kraliça II Elizabet sentyabrın 8-də 96 yaşında dünyasını dəyişib. Dəfn mərasimi sentyabrın 19-u saat 11:00-da Vestminsterdə keçiriləcək. Onun ölümündən sonra taxt-taca oğlu Çarlz yiyələnib.
