Rusiya işğalçıları Donetsk və Luqansk vilayətlərinin ərazisinə tam nəzarəti ələ keçirmək və müvəqqəti işğal olunmuş Krımla quru dəhlizi əldə etmək üçün hücum əməliyyatlarını davam etdirirlər.

Yenixeber.org: Bu barədə Ukrayna Silahlı Qüvvələri Baş Qərargahının 29.04.2022-ci il saat 6.00-a olan operativ məlumatında deyilir.
Ötən gün Ukrayna müdafiəçiləri tərəfindən rusların 15 hava hədəfi vurulub: 1 təyyarə, 5 qanadlı raket və 9 operativ-taktiki pilotsuz uçuş aparatı.

Ukrayna Silahlı Qüvvələri Baş Qərargahının məlumatına görə, Donetsk istiqamətində ruslar bütün təmas xətti boyunca artilleriya, minaatan və çoxsaylı reaktiv yaylım atəşi sistemləri ilə mövqeləri atəşə tutur. Məqsəd Ujrayna qoşunlarının yenidən qruplaşmasının qarşısını almaqdır. 

Həmçinin, ruslar Mariupolda - Azovstal zavodunun ərazisindəki ukraynalı döyüşçülərin blokadasını sərtləşdirməyə davam edir.

Ukraynalı müdafiəçilər bəzi yerlərdə əks-hücumlar təşkil etməklə fəal mobil müdafiə aparırlar. 

“Təkcə Donetsk və Luqansk vilayətləri ərazisində son sutka ərzində rusların 9 hücumu dəf edilib, 6 tank, 1 artilleriya sistemi, 12 zirehli texnika, 1 avtomobil və 1 zenit silahı məhv edilib”.