AZ
RU
“Artıq Türkiyə ilə ticarət əlaqələrimiz var, Azərbaycanla isə...”-Erməni deputat
Yenixeber.org: Sfera.az xəbər verir ki, bunu fevralın 12-də keçirilən ənənəvi brifinqlər zamanı Ermənistanın hakim "Mənim addımım" blokundan olan deputatı Hayk Gevorgyan "vəziyyət bu cür inkişaf edərsə, nə kimi risklər yarana bilər? sualını cavablandırarkən söyləyib.
Deputatın sözlərinə görə, Ermənistanla Türkiyə arasında artıq qarşılıqlı ticarət mübadiləsi baş verir.
"Türkiyə ilə diplomatik münasibətlərimizin olub olmamasından, bu ölkəyə necə yanaşmağımızdan asılı olmayaraq, hazırda ölkələrimiz arasında ticarət əlaqələri mövcuddur”,- deyə Gevorkyan bildirib.
Sərhədlərin rəsmi olaraq açılacağı təqdirdə vəziyyətin necə olacağına münasibət bildirən deputat qeyd edib ki, Ermənistan Avrasiya İqtisadi Birliyinin üzvü olduğundan ölkə sərhədlərinin həm də Avrasiya İqtisadi Birliyinin sərhədləri olduğunu unutmaq olmaz. Buna görə də Ermənistan sərhədlərini keçən Türkiyə malları Avrasiya İqtisadi Birliyinin maneələri və gömrük məhdudiyyətləri ilə qarşılaşacaq.
"Mənim addımım” blokundan olan digər deputat Sisak Qabrielyan isə öz növbəsində bildirib ki, hazırda Ermənistan, Rusiya və Azərbaycan arasında aparılan danışıqlarda Ermənistanın nə Türkiyə, nə də Azərbaycanla ticarət əlaqələrinin qurulması məsələsi müzakirə edilmir.(sfera)
Mənbə: News.am
Tərcümə: Selcan
