AZ
RU
"Sığının rəhminə O, tək Allahın" - Təranə Şəms
Sığının rəhminə O, tək Allahın
Allahı, anırsız dara düşəndə,
Qəlbinə sızlayan yara düşəndə,
Könlünə ləkələr, qara düşəndə,
İstəyin nə imiş, nə istəyirsən?...
Var –dövlət cibinə axıb gələndə,
Korluğu gözünə taxıb gələndə,
Arxana baxmadan baxıb gələndə,
İstəyin nə imiş, nə istəyirsən?...
Ayağın büdrəyib yıxılanda sən,
Başının üstünü bürüyəndə çən,
Bağlansa əl-qolun Allah deyirsən,
İstəyin nə imiş, nə istəyirsən?...
Daş düşüb başına şükr etmisən?
Namazda adını zikr etmisən?
İmtahan verəcən fikir etmisən?
İmanın budursa, nə istəyirsən?...
Xod gedəndə işiniz yada düşməyir,
Nə fitrə, nə zəkat, pul ki, sənindir.
Malından, mülkündən, bada düşməyir,
İmanın budursa nə istəyirsən?..
Deyirəm, eşidin sözüm hər kəsə,
Cahillər, nadanlar, eşidin bilin!...
Münafiq olmayın kibiri silin,
Sığının rəhminə o tək Allahın,
Sığının rəhminə o tək Allahın!!!...
