AZ
RU
SEVDİM SƏNİ, SEVDİM QIZ!
"Xeberinfo.com":
Kim deyər daşdı qəlbim
Sevməyi bacarmaram
Çəksəm nazı – qəmzəni
Bəlkə də qocalmaram
Düşsəm qara sevdaya
Loğmansız sağalmaram
Nə olur demə....!
Demə, demə amansız
Sevdim səni, sevdim qız!
Sən qırmısan könlümün
Açılmayan möhrünü
Duydum sənlə sevginin
Mözüzəli sehrini
Sus! Gəl mənə söyləmə
Sevməyi bacarmadım
Əsir etdin məni sən
Dərdimi açammadım
Sevgim sonsuz, zamansız
Sevdim səni, sevdim qız!
Qönçə tutdun ömrümün
Bağçasında bağında
Viran olan könlümün
Qarasında ağında
Qövr etsə də yaralar,
Ürəyimin başında
Oxu çəkib zalımca
Ata bildin kamansız
Sevdim, səni sevdim qız!
Məni məndən qoparıb
Olmusan həqiqətim
Röyalara tapınan
İdrakım, bəsirətim
EH....!
Bəlkə sevdim deyən gün
Bitəcək əsarətim.
Sən olma zalım, qansız
Sevdim səni, sevdim qız!
TƏRANƏ ŞƏMS.
(5).jpeg)
