AZ
RU
Tufanım varmı
Yenixeber.org:
Süzülən suyumuz durulan deyil,
Yıxılan tifaqlar qurulan deyil,
Könlüm var, dünyaya vurulan deyil,
Səhəri gözləsəm, sabahım varmı?...
Gümanım səhrada susuz fırlanır,
Ümidlər sonsuzdur, sonsuz fırlanır,
Bu dünya fırlanır, onsuz fırlanır,
Bir içim azadlıq umanım varmı?...
Əməllər tən gəlir çərxin daşına,
Ələnir daş təki düşür başına,
Əlinin qarası çıxsa qarşına,
Sözümə başqa cür, gümanın varmı?...
Könlümdür gözümün qəm biçənəyi,
Əzilən millətim bəs seçə nəyi?!...
Biçməyən dəryazla, bəs biçə nəyi?!...
Qopacaq fırtınam, tufanım varmı!?...
Təranə Şəms.02.09.2017
(5).jpeg)
