AZ
RU
QOYMA TOX OLAQ...
Xeberinfo.com: (bu gün Şəhid olan əsgərimizə ithaf edirəm..çox duyğulandım)
Bu millət nəyəsə, ümid bağlayır,
İnanır bu qədər görəsən kimə?
Hər gün şəhid verir, gözlər ağlayır,
Bu dərdi axı bəs deyəsən kimə.
Bu millət yox olur qananı varmı,
Çəkilir çarmıxa bükülür xalqım.
Özündən özgə bir yananı varmı,
Sözünü deməyə amanı varmı.
Dilimiz öyrəşib rəhmət deməyə,
Hər şəhid ölümü eşidəndə biz.
Zamanı qınayıb töhmət deməyə,
Düşmənə haqq verib seçiləndə biz.
Nədir bəs xalqımın günahı Allah,
Torpağı unudub möhlət dilənir.
Məmuru ölmürmü utanmır Allah,
Vəzifə dilənir şohrət dilənir.
Vətənim deyəndə başım əyilir,
Sərhəddi yarımçıq Vətənmi olar?
Qəlbimin yağı yox, daşı əriyir,
Bu nakam sevgiyə yetməkmi olar.
Vətənin sərhəddi qəlbdən başlayır,
Əkilsə toxum tək becərən gərək.
Vicdanla çəkilən dərddən başlayır,
Bir künc var, o küncü sevəsən gərək.
Qeyrəti itirək bəlkə yox olaq,
Ayıl sən millətim özünə gəl sən.
Haqqini tələb et oturma belə,
Susayaq qana biz bəlkə tox olaq?!...
TƏRANƏ ŞƏMS.
