AZ
RU
.png)
Silinmir hələ...
Könlümdə tufanlar qopanda baxın,
Oluram yalquzaq canavar kimi.
Şəlalə dərdlərim, axanda baxın,
Dolanda qəlbimə, “havadar” kimi.
Başımda dolanır nifrətin adı,
Qoymaram qəlbimə yaxın otura.
Sevgiylə çəkilsin ülfətin adı,
Qoymayın, nifrəti şeytan yoğura...
Könlümü bəzədi boyaqlı saplar,
İlmə-ilmə, incə-incə düzüldü.
Kələflər açıldı, dolaşan nədir,
Nazilən ipliyim niyə üzüldü?...
Çırpınınan ürəyim yaşımdan böyük,
Yaşayar, yaşamaz bilmirəm daha.
Zamanın acısı ötsə başımdan,
Dözərəm, dözmərəm bilmirəm daha.
Təranə Şəms.28.09.2017
