AZ
RU
-21.jpg)
DÜŞMƏN ÜRƏYİM
Xeberinfo.com:
Daş kimi, daş ürəyim,
Baca –baca oyulub,
Dəlik, kəsik yamaqlı,
Köynəyini soyunub.
Hər dərdi çəkən ürək,
Nə günlərə qoyulub.
Xırdalanıb xərclənən,
Bu gündü dünən deyil,
Məzənnəsi dəyərli,
Heyif ki, tümən deyil.
Heç səsimi dinləmir,
Asta-asta ritmlə,
Səsi gəlir inləmir.
Sanki, birdən ayılır,
Ruhu qidasız qalıb.
Yol yürüyür heçliyə,
Zamanı vaxtsız çalıb.
Bağlı qalıb qapanıb,
Eşidilmir harayım.
Belimi də, dərd büküb,
Uçub,çöküb sarayım.
Qanı qara açılımaz,
Dərdi gülşən ürəyin.
Qoy hönkürüb ağlayım,
Kaşki gül, sən ürəyim.
Həmdəm beləmi olur?
Mənim düşmən ürəyim,
Mənim düşmən ÜRƏYİM...
TƏRANƏ ŞƏMS.
