AZ
RU
Mizə vurmuram...
Külümdən alışsam üzə vurmuram,
Toplanıb çıxsamda yüzə vurmuram,
Əllərim uzundur dizə vurmuram,
Sökülüb, tökülən qıraqda qalan,
Salıram iynəni bizə vurmuram...
****
Dəyişib qarşımda yüz sifət olsan;
Maskanı salıb sən üz, sifət olsan,
Baxışın həmindir düz sifət olsan,
Mən artıq bilirəm nəfəsin yalan,
Yolunu azsanda izə vurmuram...
****
Özümün, könlümə yalanı çoxdur,
Oynayan yoxdur ha, çalanı çoxdur,
Yorulan çiynimin palanı çoxdur,
Özümü biyolluq etmişəm talan,
Mən, məni bilirəm üzə vurmuram.
****
Yorulub haqq bizdən düzlük istəmir,
Özün ol, söyləyir üzlük istəmir,
Hər qəlbə yaxındır küslük istəmir,
Ağılla xaini zirvədən salan,
İdrakım ortada mizə vurmuram...
Təranə Şəms. 5.08.2023
(29).jpg)
