AZ
RU
KİNƏ ƏLƏNİB...
"Xeberinfo.com":
Yaralar sinəmdə,ağardı telim.
Vətəndə köçkündür, elsizdir elim.
Yanan ürəyimdir, qaysağı təzə,
Acıyan könüldü, alışan dilim.
Saçımın hər teli ömür yolumdur,
Həyat da fanidir, çatan sonumdur.
Dağların yorğanı, bəyaz tellərim,
Biçdiyin libasın, həyat donumdur.
Sazağın qarıda,sinəmə yağıb,
Əllərim telimdə, əlimə yağıb.
Üşüyən hər telim, ruhumu öxşa,
Ruhumdu üşüyən, dilimə yağıb.
Elimin qızıyam, Vətənin daşı,
Daş atır elimə, yetənin başı.
Dilimdə ağım var, Şəhidə ağlar,
Şəhidlər yaşayar, bitməz ki, yaşı.
Dərdlərim bir deyil, minə ələnib,
Sovuşub yellərə, tinə ələnib.
Yurdumun hər daşı,özü qan ağlar,
Göz yaşı nifrətdən, KİNƏ ələnib.
Ağaran saçlarım, gileyin nədir?
Nələri düşündün, bildiyin nədir?
Toxunub saçıma, sığal çəkəndə,
Yonulan telimə, dediyin nədir?
TƏRANƏ ŞƏMS
.jpg)
