"Xeberinfo.com":

O sənli, dünyamı görürəm sənsiz

Xəyalın ruhumla, bölürəm sənsiz

Can verib, uğruna ölürəm sənsiz,

Payımsa bu ömür, xəzana dönsün.

Üşüyür qəlbimin yanar guşəsi

Duymaq istəsəm də,ilıq nəfəsi,

Dərdlərim qol açıb, yolu kəsəsi,

Hayımsa bu ömür, xəzana dönsün.

Yaqmur tök payızım, islat qəlbimi

Təmizlə könlümü, boşalt qəlbimi

Mürgülüı, röyadan oyat qəlbimi,

Yayımsa bu ömür, xəzana dönsün.

Dünyaya gələli, gözüm ağlasa

Ağrısa ürəyim, dözüm ağlasa.

Yazdığım kəlmədə, sözüm ağlasa,

Yaşanan bu ömür xəzana dönsün.

TƏRANƏ ŞƏMS..20.10.2014.

SÖKƏR..

Yadıma düşürsən, inan hər gecə

Hökm edir, yuxuma gizli düşüncə.

Qələmim vəsv etsə, hər xəyalını,

Acışır gözlərim , sətrə düzüncə.

Yuxumda nur saçır, gülən gözlərin

Məni, məndən alıb qıyğacı baxan,

Könlümü yandırıb odlara yaxan

Dilinə düzülən muncuq sözlərin.

Atmısan müjganı dəlib qəlbimi

Nədən sən uzaqsan, yerin qəlbimi?

Könlümü vermişəm o ki, sənindir,

Əlini ver mənə bölək dərdimi.

Mürgülü xəyalım,mənlə yol gedər

Sancılar yaxama,köksümü didər.

İzlər adım-addım, məni kölgə tək,

Dikilər yoluma, cismimi sökər..

TƏRANƏ ŞƏMS..15.10.214.

SEVƏNLƏRİN GÖZ YAŞI

Gözlərimdən axan yaş-

Səhərlərin şehidir.

Xəfif – xəfif pçıltı,

Yarpaqların mehidir.

O yaşdı ki, gözümdən

Yana – yana süzülür.

Sevgiyə gedən yola

Milvaritək düzülür.

Sevənlərin göz yaşı

Su tək pakdı, təmizdi.

Gözləri kor etsə də,

Əvəzsizdi, əzizdi.

Divanə olan könül

Qul olsa da zamana,

Yerdən, goydən üzülsə,

Möhtac deyil loğmana.

Aşiqlərin dərdini

Təbib də bilən deyil,

Vüsalı pay göndərib,

Göz yaşı silən deyil.

Urək yanar, göz ağlar,

Ocağımda köz ağlar.

Elə ağı deyərəm,

Kövrəlib də, SÖZ ağlar!

TƏRANƏ ŞƏMS.15.12.2011