İnsandır içində gizlənən varlıq,
Tanıya bilməzsən işin düşməsə.
Dinləyib, eşidər göstərsə karlıq,
Deyərsən, ay aman bircə küsməsə...
*****
Üzünə güldükcə söylərsən aha,
Dəyişə gözləri, bir başqa ola.
Kaş, məni qəlbində döndərib "şaha",
Yayıla qəlbinə fərəhlə dola...
*****
Xisləti açılmaz möhürlü sirdir,
Tanıya bilməzsən altın eşilər,
Çuxası əynində dili yerində,
Atsa hey sözünü qəlbin deşilər...
*****
İnsana deyirlər şüurlu "vəhşi",
Öldürər, doğrayar, nələr bacarmır?...
Yoxdur bu varlığın dünyada əksi,
Məzlumu məhv edib bəlkə öc almır?!...
*****
İnsanın əksi var, öz içindədir,
Sifətlər müxtəlif, ruhu başqadır.
Baxarsan insandı bir biçimdədir,
Gözəllik nə gözdə, nədə qaşdadır...
*****
Belədir, tanınmaz insanın qanı,
İlbis tək, içində gizlənir insan.
Axtarıb tapacaq, şöhrəti-şanı,
Ucalan qardaşa hirslənir " insan"!...
*****
Bu dünya insanı tərsə fırladır,
Baxdıqca tanısın özü, özünü.
Tustülü ocaqda qazan qaynadır,
İtirib, tapmayır gözü, gözünü...
*****
Ocağın tüstüsü ağladır onu,
Gözündə yaşını silən özüdür.
Dəyişmir yenədə "iblis" donunu,
İçində gizlənən insan özüdür...

Təranə Şəms.