AZ
RU
Üzsüz birisən
Görürəm səni mən, üzsüz birisən,
Baxanda gövdəli yaman irisən.
Dilində söz oynar, sözsüz birisən,
Ayaqdan çəkməyə yaman dirisən!...
*****
Yetənək bu deyil göstərmə onu,
Sapıqsa əməlin üzün qaradır?..
O nədir geymisən, çıxart sən onu,
Gəlibdir bu kirlə yüzlərin sonu...
*****
Görünmə saf kimi qəlbin qaradır,
Canına qor düşür dostu görəndə.
Əl atsan hər işə gözün paradır,
Başına at təpir, çörək böləndə...
*****
Əlinin kiriylə məlum yerin var,
Zamanla naşının düşdüm izinə.
Amma ki, bolluca dərdi- sərin var,
Başında dolaşıb, keçib dizinə!..
*****
Yenilik olsada köhnəlik qalıb,
Ağlara qaradan çox yamaq salıb.
Duruşun arxadır, öndə durmusan,
İstəyin nədirsə, çox övkən qalıb...
*****
Evlər var yıxmısan, birdə tikilməz,
Sönübsə çıraqlar birdə yanarmı?!..
Qəlblərin gözü yaş, axı içilməz,
Vicdanı olan kəs, bunu danarmı?!..
*****
Göz yuma bilmirəm batan cahana,
Əsil mirzə odur ki, sözünü desin.
Heyranam, ay insan sənin dühana,
Sözünün, misrası özünü desin...
Təranə Şəms
