AZ
RU
O ildən bu ilə zəncir bağlanıb
Aha...?
Dəyişən il imiş, dərd ki, qəmişdi,
Həyat davam edir gözəldən, gözəl.
Torpaq qurudursa, hava nəmişdi,
Baxıram insana, göz, əldən gözəl...
*****
Ağılda, zəkada əgər səninsə,
Bəs niyə tərs gedir əməlin kimi.
Dünyanın malını deyir, mənimsə,
Canlanar gözümdə təməlim kimi.
*****
O, ildən bu ilə zəncir bağlanıb,
Getsədə qalıbdır pis təməlləri.
Bilmirəm, nədənsə üzlər aldanıb,
Yenidən qaytara pis əməlləri...
*****
Məzlumdan soruşsaq dövrü, zamanı,
Deyəcək, neyləyim kasıb doğuldum.
Zaman dayanmır ki, tutum samanı;
Havasız havadan yenə boğuldum.
*****
Görəsən, yeni il nələr vəd edir,
Qazpulu, supulu hətta işıqda...
Bir baxın kasıblar nəyi dərd edir,
İşlədək yenidən " nöyüt" spiçka...
*****
İsinək odunla, " qaz" qaza gəlsin,
O hisli lampalar yansın gecələr.
Köhnəlik dəyişmir az qala gəlsin,
Dedim ki, xoş olsun saz, saza gəlsin..
Təranə Şəms. 02.01.2022
