AZ
RU
Bu dünya niyə daralıb...
Bir insan xisləti paslı möhürdür,
Dəmir tək qızdırıb döysəndə onu;-
Zəhmətin hədərdi, açılmaz olar.
Mən sizə ərz edim, gör nə töhürdür...
*****
O, qəlbin içində gör nələr yatır,
Yalanı, hiyləsi nəfəslər kəsər.
Yaralı ürəkdə çox kədər batır,
Önünə açılan qəfəslər kəsər...
*****
İnanıb iltifat etmək olarmı!?...
İstər bacın olsun, istər qardaşın.
Gecələr gözünə yuxu dolarmı?...
Min hiylə, nəfislə yonar başdaşın.
*****
Yox artıq inamım kimə, kimsəyə,
Çökmüşəm dünyama yalquzaq kimi.
Düşüncəm üzümə kaş gülümsəyə,
Qalmışam özümdən çox uzaq kimi...
*****
Özümün, özümə bir sualı var,
Görəsən, bu dünya niyə yaranıb?...
Bihudə könlümün gör nə halı var,
Ümmansız bu dünya, niyə daralıb???...
Təranə Şəms:18.2021
