AZ
RU
"Sabiranə" -Təranə Şəms
Adamlara inanma sən, hər nə desən şəkk eləyər,
Haray salar çığır, bağır mənəm deyər dəkk eləyər.
Qismətinə kafir olan, ondan ötər tərk eləyər,
İnanamayar Allahına, dərk eləməz bərk eləyər.
Gülər ona, gülər mənə ürək gedər qəşş eləyər,
Hərnə görər, yalan dolan ürəklərə həkk eləyər.
Uyar meyə, əldə şərab hal-hal olub məst eləyər,
Bu ki, qanmır ay cammaət zərər vurub qəsd eləyər.
Sanki duyur bir anlığa dünyanı o kəşf eləyər,
Dik tutaraq boş başını, kafirə tay vəsv eləyər.
Bax, budur ha, zəmanəmiz insanların halını gör,
Allah isə cahilləri, yaman yerdə əhv eləyər...
