AZ
RU
.jpg)
Misirdə fövqəladə vəziyyət elan edildi
Misir hökuməti Sinay yarımadası ətrafındakı bölgələrdə üçaylıq fövqəladə vəziyyət elan edib.
"Xeberinfo.com": Fövqəladə vəziyyətə səbəb oktyabrın 24-də təhlükəsizlik əməkdaşlarına qarşı iki hücum səbəb olub. Son məlumatlara görə, bu hücumlar nəticəsində ən az 33 nəfər həlak olub.
Ekspertlərin fikrincə, bu hadisə islamçı prezident Mohamed Morsi-nin devrilməsindən sonra hökumət qüvvələrinə qarşı hücumların ən böyüyüdür.
İlk hücum ötən cümə Sinay yarımadasının əl-Xaruba rayonunda 30 nəfərin həyatına son qoyub. Bir neçə saat sonra təcavüzkarlar əl-Əşirə şəhərindəki nəzarət-buraxılış məntəqəsinə atəş açıblar. Azı 3 hüquq-mühafizə orqanı əməkdaşı həlak olub.
Hücumların arxasında kimlərin durduğu hələlik məlum deyil. Bununla belə, hadisəni bundan əvvəl bir neçə hücumun məsuliyyətini öz üzərinə götürmüş «Ənsar Beyt əl-Makdis» qruplaşmasının törətdiyi ehtimal olunur.
