Misir prezidenti Əbdulfəttah əs-Sisi yaxın zamanlarda Sinay yarımadasında antiterror əməliyyatlarının başa çatacağını bəyan edib

Yenixeber.org:  Bu barədə Misir prezidenti televiziya ilə yarımadanın sakinlərinə müraciəti zamanı məlumat verib.

Misir prezidenti bildirib ki, Sinay yarımadasında 4 illik inkişaf planı həyata keçiriləcək.

Bu ölkənin Silahlı Qüvvələrinin məlumatna görə, fevralın 8-dən ordu və polisin həyata keçirdiyi genişmiqyaslı əməliyyatlar nəticəsində ekstremist qruplaşmanın 100-dən çox üzvü məhv edilib. Bu əməliyyatlar zamanı 30 hərbi qulluqçu həlak olub.

Bununla yanaşı, hökumətin sabiq rəhbəri, hazırda Misir prezidentinin milli və strateji layihələr üzrə məsləhətçisi İbrahim Məhlyəb qeyd edib ki, Sinay Yarımadasının inkişafını nəzərdə tutan 15,6 mlrd. dollarlıq layihə 2022-ci ilə qədər həyata keçiriləcək. Onun sözlərinə görə, inkişaf planına yeni yolların salınması, sənaye müəssisələrinin, xəstəxana, mədəniyyət mərkəzlərinin, kanalizasiya şəbəkələrinin inşa olunması daxildir. Bu plana əsasən işlərə ilk növbədə Sinay yarımadasının şimal hissəsində başlanacaq. İnfrastrukturun çatışmadığı yarımadanın bu hissəsi 2013-cü ildən silahlı qruplaşmaların hərbi bazasına çevrilib.