AZ
RU
Yanukoviç ukraynalılara müraciət etdi
Sosial şəbəkələrdə Ukraynanın sabiq prezidenti Viktor Yanukoviçin video-müraciəti paylaşılıb
"Xeberinfo.com" Ukrayna mətbuatına istinadən xəbər verir ki, onun çıxışı “TASS” TV vasitəsi ilə yayımlanıb.
Qeyd olunur ki, o, çıxışını Rusiyanın, deyilənə görə, Rostov şəhərindən edib.
Sabiq dövlət başçısı bildirib ki, prezident seçkilərindən xeyli müddət keçsə də, Ukraynada müsbətə doğru heç nə dəyişməyib: ”Seçicilər yeni hakimiyyətə böyük ümidlərlə baxırdı. Düşünürdülər ki, ölkəyə sülh gələcək. Amma, təəssüf ki, bu, baş vermədi. Əksinə, yeni prezidentin gəlişindən sonra gərginlik daha da artdı, ölkənin şərqində qarşıdurmalar getdikcə artmağa başladı və hər gün onlarla vətəndaşımız dünyasını dəyişdi. Anaların fəryadına baxmaq olmur. Gənclərimiz ölür.
Nə üçün yeni hakimiyyət hələ də müharibənin aparılmasına göstəriş verir? Bu qədər faciə bəs etmirmi? Dayanın! Son qoyun bu hərəkətlərinizə”.
Xatıradaq ki, Yanukoviç fevralın 26-dan beynəlxalq axtarışa verilib.
(5).jpeg)
