AZ
RU
Məhkəmə prezidentin həbsinə order verdi
Qvatemala məhkəməsi ölkə prezidenti Otto Peresa Molinanın həbsinə order verib.
"Xeberinfo.com": Məlumata görə, bu barədə yerli prokurorluğun rəsmi tvitter səhifəsində məlumat yerləşdirilib.
Hakimin qərarına əsasən, prezidentə ölkə ərazisini tərk etmək qadağan edilib.
Prokurorluq prezidenti Qvatemala büdcəsinin bir neçə milyon itirməsinə səbəb olan fırıldaqçı sxem təşkil etməkdə ittiham edir. İstintaqın ilkin versiyasına görə, Peres Molina və digər yüksək vəzifəli dövlət xadimləri biznesmenlərin idxal mallarını rüsumdan azad etmək üçün gömrüyə ödədikləri rüşvətdən faiz əldə ediblər.
Konqress artıq ikinci cəhddə Peresin prezidentlik toxunulmazlığını aradan qaldırıb.
Bununla yanaşı, prezident bütün ittihamları rədd edib və ədalətdən gizlənmək fikri olmadığını, bu səbəbdən məhkəmə prosesində iştirak edəcəyini bildirib.
Peres, həmçinin, istefaya getmək niyyətində olmadığını qeyd edib.
