“Deutsche Welle” Türkcənin yaydığı xəbərə görə, Rusiya prezidenti Vladimir Putin Suriya müxalifləri və rejim qüvvələrini bir araya gətirmək üçün keçirmək istədiyi “Suriya Milli Dialoq Konqresi”ndə PKK/PYD xaric kürdlərin iştirakını Ankaraya təklif edib. Qeyd edək ki, Türkiyə terror təşkilatının Suriyada tərəf kimi danışıqlarda iştirakına qarşı çıxırdı.

Yenixeber.org: Dünən Suriya prezidenti ilə görüşən və Rusiya hərbi kontingentinin əsas hissəsinin Suriyadan çıxarılması əmrini verən Putin Əsədlə görüşünün təfərrüatları haqda rəsmi Ankaranı məlumatlandırıb.

Xəbərə görə, Suriyada sadəcə Hmeymim və Tarsus bazalarında əsgər saxlayacaq Rusiya Suriya ilə bağlı planlarını yenidən baxacaq. Suriya ilə bağlı planlarını Ərdoğanla bölüşən Putin Afrinə qarşı hərbi əməliyyat keçirəcəyi halda Türkiyəyə dəstək verəcəyini bildirib.

Belə ki, Putin Ərdoğanla görüşündə PKK-nın Suriya qolu PYD-nin konqresdə iştirak etməməsi ilə bağlı Ankaranın iradını anlayışla qarşıladığını dilə gətirib. Ərdoğan-Putin görüşünü yaxından izləyən diplomatik mənbələr PYD xaricində qalan kürdlərin “Suriya Milli Dialoq Konqresi”ndə iştirakı məsələsində Ərdoğan və Putinin həmrəy olduğunu bildirirlər.

Keçirilməsi 2018-ci ilin əvvəlində nəzərdə tutulan “Suriya Milli Dialoq Konqresi” üçün hazırlıqlar aparan Ankara bu səbəbdən yeni Soçi görüşünün olacağını və bu görüşdə Suriya məsələsində Ankara-Moskva əməkdaşlığının detallarının daha da dəqiqləşdiriləcəyi vurğulanır.(avropa)