AZ
RU
.jpg)
“Bütün erməni hərbi qüvvələri Azərbaycan torpaqlarından çıxarılsın”
Avropa Şurası Parlament Assambleyasının prezidenti Pedro Aqramunt Qarabağ cəbhəsində döyüşlərin başlamasından narahatlığını bildirib və erməni hərbi birləşmələrini Azərbaycan ərazilərindən çıxmağa çağırıb.
Xeberinfo.com: Aqramuntun bəyanatı AŞPA-nın saytında yayılıb.
“Dağlıq Qarabağda baş verənlər bizi narahat edir və insanların ölümünə üzülürük. Tərəfləri dərhal atəşkəsə əməl etmələrini və sülh danışıqları üçün müzakirələrə başlamağa çağırıram”, – deyə bəyanatda bildirilir.
Azərbaycan və Ermənistanın 2001-ci ildə Avropa Şurasına üzv olarkən Qarabağ probleminin sülh yolu ilə həlli üçün səy göstərəcəklərinə vəd verdiklərini deyən AŞPA sədri yaydığı yazılı açıqlamada Azərbaycanın birtərəfli atəşkəs qərarı verməsi ilə bağlı xəbəri məmnunluqla qarşıladığını bildirib.
“Bütün erməni hərbi qüvvələrinin BMT Təhlküəsizlik Şurasının qərarına uyğun olaraq, işğal edilmiş Azərbaycan torpaqlarından çıxarılmasına çağırıram”, – deyə Aqramunt qeyd edib.
.jpg)
