AZ
RU
ABŞ-da -koronavirusdan ölənlərin yarısı qocalar evinin sakinləridir
ABŞ prezidenti Donald Tramp Ağ Evdə COVID-19 virusu ilə əlaqədar son vəziyyəti müzakirə etmək üçün mətbuat konfransı təşkil edib.
Yenixeber.org: Konfrans zamanı o, ölkədə virusa yoluxanların sayının artma səbəbinin irqçiliyə qarşı təşkil edilən etiraz aksiyaları olduğunu deyib. O, ölümlərinin təxminən yarısının qocalar evində baş verdiyini qeyd edib: “Qocalar evində çalışan personallar ən üst səviyyədə test ediləcək. Bunun üçün 15 min sürətli test cihazı göndərəcəyik. Bu cihazlar 5-15 dəqiqə ərzində nəticələri hazır edəcək”.
Donald Tramp Demokratların prezidentliyə namizədi Co Baydenin onu “ilk faşist prezident” adlandırmasına da cavab verib: “Mən afroamerikalılar üçün digər prezidentlərdən daha çox iş görmüşəm. Bəlkə Avraam Linkoln istisna ola bilər”.
Bildirək ki, Donald Tramp konfransda Alman Boitexnika firması “BioNTech”in koronavirusa qarşı mübarizə üçün hazırladığı peyvənddən 1.95 milyard dollarlıq sifar verdiklərini vurğulayıb.
