AZ
RU
Rusiyanın xarici borcu 20 milyard dollara yaxın artıb
Bu ilin ikinci rübündə Rusiyanın xarici borcu 19,5 milyard dollar və ya 4,3 faiz artaraq 477,2 milyard dollara çatıb.
Yenixeber.org: Rusiya Mərkəzi Bankının məlumatına görə, birinci rübdə borc 33,7 milyard dollar azalmışdı – 491,4 milyard dollardan 457,7 milyard dollara düşmüşdü. İki rübün yekununda Rusiyanın xarici borcu ilin əvvəli ilə müqayisədə 14,2 milyard dollar və ya 2,9 faiz azalmış olur.
Mərkəzi Bankın məlumatına əsasən ikinci rübdə dövlət orqanlarının 4,9 milyard dollar və ya 8 faiz artaraq 65,5 milyard dollara çatıb.
Rusiya bankları rüb ərzində xarici borclarını 2 faiz və ya 1,5 milyard dollar azaldıblar – 71,6 milyard dollara düşüb. Qeyri-bank sektoru üzrə xarici borclanma 17,4 milyard dollar artmaqla 329,3 milyard dollara çatıb.
Rusiya Mərkəzi Bankının xarici borcu 1,3 milyard dollar və ya 11 faiz azalmaqla 10,8 milyard dollar təşkil edib.
Qeyd edək ki, 2019-cu il ərzində Rusiyanın xarici borcu 36,3 milyard dollar artaraq 491,4 milyard dollar olmuşdu.
