AZ
RU
Rusiyada işsizlik səviyyəsi 4 illik maksimumu yeniləyib- RƏSMİ
Bu ilin aprel ayında Rusiyada işsizlərin sayı 815 min nəfər, yaxud 21% artaraq 4,3 milyon nəfərə çatıb.
Yenixeber.org: Bu barədə Rusiyanın Dövlət Statistikası üzrə Federal Xidməti (“Rosstat”) məlumat yayıb.
Bildirilib ki, aprelin sonuna qonşu ölkədə işsizlik səviyyəsi 5,8% təşkil edib ki, bu da son 4 ildə ən yüksək göstəricidir.
“Rosstat” həmçinin bəyan edib ki, 2020-ci ilin I rübündə Rusiyada real əməkhaqları 2019-cu ilin eyni dövrü ilə müqayisədə 6,2% artıb. Bununla belə ölkə vətəndaşlarının real gəlirləri 0,2% azalıb.
Qeyd edək ki, Rusiyanın İqtisadi İnkişaf Nazirliyi bu il əhalinin real gəlirlərinin 3,8% azalacağını, gələn il isə 2,8% artacağını proqnozlaşdırır.
.jpg)
