AZ
RU
Həbs olunmuş nazir müavininin rüşvət etirafı:“Hər ay mənə 60 min manat verilirdi” - VİDEO
“Mədəniyyət Nazirliyinin tabeliyində olan 15 idarədən ümumilikdə hər ay 60 min manat pul yığılıb mənə verilirdi”.
Yenixeber.org: Bunu Dövlət Təhlükəsizliyi Xidmətinin yaydığı videoda sabiq Mədəniyyət nazirinin müavini Rafiq Bayramov aldığı rüşvəti etiraf edən zaman deyib.
O qeyd edib ki, rayonlarda mədəniyyət binalarının cari təmir işlərinin aparılması üçün vəsaitlər nəzərdə tutulub:
“Bütün rayonlar üzrə təmir işlərinə 1 milyon 500 min manat ayrılırdı. İl ərzində 40-45 müəssisə təmir edilirdi. İdarə rəisləri həmin vəsaitdən 10 faiz miqdarında nazirliyə verirdilər. Bu da 150 min manat demək idi. Bu pulları bəzi hallarda şirkət rəhbərləri, bəzən də idarə rəisləri mənə verirdilər”.
