AZ
RU
.jpg)
Ermənistanda koronavirusa yoluxmuş 35 pasiyentin vəziyyəti son dərəcə ağırdır, onlardan 9-u süni nəfər aparatına qoşulub.
Yenixeber.org: Bu barədə ölkənin səhiyyə naziri Arsen Torosyan bildirib.
"Bu gün 65 koronavirus xəstəsi ağır vəziyyətdədir. Onlardan 35-nin vəziyyəti son dərəcə ağırdır. Xəstələrdən 9-u süni nəfər aparatına qoşulub", - nazir “facebook”da canlı yayımda deyib.
Onun sözlərinə görə, bu, hələlik səhiyyə sistemi üçün çox böyük yüklənmə deyil.
Ermənistanda koronavirusun yayılmasına qarşı mübarizə məqsədilə martın 16-dan mayın 14-dək fövqəladə vəziyyət elan edilib. Son məlumatlara görə, ölkədə koronavirusa 2 386 yoluxma aşkarlanıb, COVID-19-a yoluxmuş 1 035 nəfər sağalıb, 35 pasiyent ölüb.
Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 212 ölkə və bölgədə qeydə alınıb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
