AZ
RU
Gürcüstanın keçmiş prezidenti Mixail Saakaşvili Ukrayna Baş nazirinin islahatlar üçün müavini olmayacaq.
Yenixeber.org: Ukrayna lideri Vladimir Zelenski onun üçün başqa bir vəzifə hazırlayıb.
Bundan əvvəl Zelenski Saakaşviliyə baş nazirin islahatlar üzrə müavini vəzifəsini tutmağı təklif etmişdi. Lakin Ukrayna hökuməti Ali Radadan Odessa vilayətinin keçmiş başçısının bu vəzifəyə təyin olunması üçün təqdimatı geri götürdü.
“Bu, yeni bir mövqedir, bunu sizə səsləndirə bilmərəm, çünki bu, prezidentin təşəbbüsüdür, qoy intriqa qalsın”. Bunu “Xalqın xidmətçisi” prezidentə dəstək fraksiyasının rəhbəri David Araxamiya “112 Ukrayna” televiziya kanalının efirində deyib.
Onun sözlərinə görə, Zelenski bir neçə gün Saakaşvili ilə danışıqlar aparıb və gələcək işləri üçün yeni format tapıblar.
