AZ
RU
.jpg)
Azərbaycandan Gürcüstana gedən şəxsdə "koronavirus tapılıb"-AÇIQLAMA
Gürcüstanda Azərbaycandan getmiş şəxsdə koronavirus tapılıb.
Yenixeber.org: Çərşənbə günü ölkənin səhiyyə naziri Yekaterina Tixaradze bildirib ki, virus yenicə İrandan qayıdan 50 yaşlarında olan Gürcüstan vətəndaşında aşkar edilib.
Həmin şəxs bir həftə İranda qalıb və Azərbaycandan keçərək Gürcüstana daxil olub.
Yerli mətbuatın yazdığına görə, Yekaterina Tixaradze xəstənin tibbi vəziyyətinin qənaətbəxş olduğunu və Tbilisi Yoluxucu Xəstəliklər Xəstəxanasında karantində saxlanıldığını deyib.
Nazir bildirib ki, virusa yoluxmuş şəxs çərşənbə axşamı günü marşrut taksisində olmuş digər 12 nəfərlə birgə Gürcüstana Azərbaycanla sərhəddən daxil olub. Həmin şəxslərin hamısı xəstəxanaya yerləşdirilib, Reuters xəbər verir.
"Koronavirus yalnız bir nəfərdə tapılıb," - Yekaterina Tixaradze deyib.
Nazir əlavə edib ki, Gürcüstanda hazırda epidemiya təhlükəsi yoxdur.
Azərbaycan tərəfi hələ ki, bununla bağlı açıqlama verməyib.(BBC)
