AZ
RU
Prezidentin sabiq köməkçisinin qızının toyunun təşkili ilə bağlı RƏZALƏT + VİDEO
“Bir müddət əvvəl, Azərbaycan Prezidentinin sabiq köməkçisinin qızının toyunun təşkili üçün həmin ölkəyə dəvət edildim. Həmin vəzifəli şəxslə danışdıq, amma anlaşa bilmədik. Çünki ağır bir iş idi. Ona görə də geri qayıtmağa qərar verdim. Təyyarəyə minəndə, havaya qalxmasına imkan vermədilər. Məni təyyarədən düşürdülər və dedilər ki, məsələ bitməyib. Düşündüm ki, mən hardayam? Təkrar danışıq oldu və razılaşdım. Doğrusu, çox israr etmədim”.
Yenixeber.org: Bunu türkiyəli toy təşkilatçısı Məltəm Təpələr Türkiyədə televiziyaların birində “İş prosesində rastlaşdığınız ən təhlükəli şey nə olub?” sualını cavablandırarkən deyib.
M.Təpələr bu hadisəyə görə çox qorxduğunu qeyd edib: “Dərhal həyat yoldaşıma zəng etdim. Çox qorxmuşdum... Amma sonra məlum oldu ki, toy edənlər normal ailələrdir”.
Qeyd: Sosial şəbəkələrdə M.Təpələrin bəhs etdiyi məmurun Əli Həsənov olduğu iddia edilir. Prezident İlham Əliyev noyabrın 29-da Əli Həsənovun Azərbaycan Respublikası Prezidentinin ictimai siyasi məsələlər üzrə köməkçisi - şöbə müdiri vəzifəsindən azad edilməsi haqqında sərəncam imzalayıb. (Pravda.az)
