AZ
RU
.jpg)
Bu dəfə almanlar Qarabağda təxribata hazırlaşır... - FOTO
“Almaniyanın iri şirkətlərindən biri Qarabağda qoz və nar əkməklə məşğul olacaq”.
Yenixeber.org: Xankəndidəki erməni nəşrlərinin yaydığı məlumata görə, bu haqda bu günlərdə Almaniyada səfərdə olmuş Qarabağda qanunsuz fəaliyyət göstərən “Azad vətən” partiyasının “prezidentliyə namizəd” olan lideri Araik Arutyunyan danışıb. Keçmiş “dövlət naziri” hesab olunan üzdəniraq separatçı siyasətçinin sözlərinə görə, onun danışıqlar apardığı alman şirkəti Xocavənd və keçmiş Ağdərə rayonları ərazisində ilkin olaraq 150 hektarlıq ərazidə nar və qoz əkməyə razılıq verib. A.Arutyunyan əlavə edib ki, bu, ümumiyyətlə, işğal altındakı torpaqlarımızın 10 min hektarında yeni meyvə bağlarının salınması ilə bağlı böyük planın tərkib hissəsidir.
Separatçı siyasətçi “Azərbaycanı aqressiv münasibətindən ehtiyatlanaraq” bəhs edilən Almaniya şirkətinin adını çəkməsə də, həmin şirkət nümayəndəsi ehtimal olunan şəxslərlə bərabər fotolar paylaşıb. Guya A.Arutyunyan almanlarla birgə Münhendə keçirilən “Oktoberfest” pivə festivalında da iştirak edib.
P.S. Yaxşı olar ki, müvafiq qurumlar öncədən araşdırsınlar və doğrudan da belə bir Almaniya şirkəti varsa, onu əvvəlcədən “qara siyahı”ya salıb başında qoz sındırsınlar ki, gəlib öz torpağımızda ermənilər üçün nar, qoz əkməyə cəsarət etməsin... (Moderator)
