Redaktor seçimi
Mingəcevirin İcra başçısı kütləvi narazılıq yaradır:  Sahibkar “Seyid”in xatirinə -
Anar Nağıyev beş yüz minlik tədbirləri harada keçirib ki, BSU-da heç kimi xəbəri yoxdu -
Gəncə Dövlət Universiteti belə idarə olunur: gündüzlər rektorun yanında, axşamlar isə...-
MÜLKİYYƏTƏ ZORAKILIQ: “Versal Palace” MTK-nın qanunsuz əməlləri və hüquqi fəsadları
“Olympus” MTK kütləvi narazılıq yaradır:
Abşeronda Birlik sədri “bulanıq suda belə gizlənir”:
Müəllim şərəfinə VƏFAsızlıq nümunəsi: Həm sözdə, həm əməldə RÜSVAYÇILIQ –
BSU-nun rektoru Anar Nağıyevə "İTTİHAM YAĞIŞI":
Günün xəbəri

Baş nazirin kartofa qoyulan rüsumla bağlı qərarı ləğv olundu —İDDİA

 

Azərbaycandan xaricə kartof ixracına tətbiq olunan rüsum aradan qaldırılıb.


Yenixeber.org: Bu barədə redaksiyamıza Cəlilabad və Şəmkirdə kartof istehsalı ilə məşğul olan sahibkarlar məlumat veriblər.


Onların dediyinə görə, hökumət nümayəndələri sahibkarlara bildiriblər ki, bu gündən etibarən məhsullarını heç bir əlavə rüsum ödəmədən ixrac edə bilərlər.


Verilən məlumata görə, artıq gömrük ərazilərində olan kartof dolu TIR-ların buraxılmasına başlanılıb. Eyni zamanda hər iki rayonda fermerlər ixrac üçün məhsul toplanmasını bərpa ediblər.


Xatırladaq ki, Nazirlər Kabineti aprelin 5-dən etibarən kartofun hər kiloqramı üçün 1 dollar həcmində ixrac rüsumu təyin etmişdi. Bu qərar faraş kartof yetişdirən fermerlərin kəskin etirazlarına səbəb olub. Cəlilabad və Şəmkirdə istehsalçılar etirazlarını kütləvi şəkildə icra strukturlarına çatdırıblar.


Qeyd edək ki, Azərbaycanda hər il istehsal olunan 950 min - 1 milyon ton arası kartofun yarısı məhz faraş məhsulun payına düşür. Bu məhsulun böyük hissəsi isə məhz aprel ayı ərzində xaricə ixrac olunur. Belə bir dövrdə əlavə ixrac rüsumunun tətbiqi istehsalçıları böyük zərərlə üzləşdirə bilərdi.


P.S. Nazirlər Kabinetinin İctimaiyyətlə əlaqələr şöbəsinə məlum qərarın ləğv olunub-olunmadığına dair sorğu göndərmişik.


Cavabı oxucularla bölüşəcəyik. Digər rəsmi mənbələrdən məlumatı dəqiqləşdirə bilmədik.(müsavat.)

 

  

Facebook-da paylaş

Yeni xəbərlər

Reklam

Reklam