Ukraynanın erməni əsilli Daxili İşlər naziri Arsen Avakov Prezident Pyotr Poroşenkonun seçki qərargahı tərəfindən büdcə proqramlarının vəsaitləri hesabına seçicilərin ələ alınması cəhdləri barədə danışıb.

Yenixeber.org: Bu barədə erməni nazir İCTV telekanalında yayımlanan “Söz azadlığı” proqramında çıxış edib.

“İqtidaryönlü komandanın qərargahlarından biri (Pyotr Poroşenkonun komandası nəzərdə tutulur) təbliğatçılar tutur, onlar isə 100 nəfər seçir. Bir qayda olaraq bu şəxslər ən kasıblar sırasından seçilir. Həmin insanların mənzilinə yollanan təşviqatçılar bu şəxslərdən onların təmsil etdiyi namizədi dəstəkləməyə hazır olub-olmadıqlarını soruşurlar. Əgər cavab müsbət olsa, kömək təklif edirlər. Bu insanlar qeyd edilir, sonra siyahı ilə birlikdə rayon şurasına və ya sosial xidmət dairələrini gedirlər. Bu qurumların rəhbərlərinə həmin insanlara 1000 qrivna yardım ayırmaq tapşırılır. Büdcə proqramlarının vəsaitindən istifadə edirlər”, - Avakov bildirib.

Avakovun sözlərinə görə, seçicilərin bu yolla ələ alınması ilə bağlı polisə müraciətlər ölkənin müxtəlif regionlarından, o cümlədən Odessa, Xarkov vilayətlərindən daxil olur. Ən çox şikayət isə Kiyev bölgəsində qeydə alınır.

“Səslərin alınması üçün büdcədən pul ödəmək – inanılmaz bir iyrənclikdir”, - nazir bildirib.

Xatırladaq ki, Avakov Pyotr Poroşenko hökumətinin ən vacib simalarından və prezidentin ən yaxın adamlarından biri sayılır.

Qeyd edək ki, Ukraynada prezident seçkiləri martın 31-də keçiriləcək.