AZ
RU
Rusiya 322 Ukrayna vətəndaşı və 68 şirkət barəsində sanksiyalar tətbiq edib.
Yenixeber.org: Sənədi Rusiyanın baş naziri Dmitri Medvedev imzalayıb.
Xüsusi halda, sanksiyalar 6 mart 1985-ci ildə doğulmuş Aleksey Poroşenkoya qarşı tətbiq edilib. Bu məlumatlar Ukrayna prezidenti Pyotr Poroşenkonun oğlunun doğum tarixiylə uyğun gəlir. Həmçinin sanksiyalara Ukraynanın Konstitusiya Məhkəməsinin hakimləri, Ali Radanın deputatları, böyük sahibkarlar, məmurlar, icra hakimiyyəti orqanlarının rəhbərləri məruz qalıb.
Məhdudlaşdırıcı ölçülər Rusiya ərazisindəki nağdsız pul vasitələri, sənədsiz qiymətli kağızlar və əmlakın dondurulmasını, həmçinin pul vasitələrinin Rusiyanın hüdudlarından çıxarılmasını nəzərdə tutur.
Sanksiyalar yalnız onda ləğv oluna bilər ki, Ukrayna anti-Rusiya sanksiyalardan imtina etsin.
