İsrail hərbi şirkətilə Azərbaycan arasında 13 milyon dollarlıq müqavilə

İsrail hərbi şirkətilə Azərbaycan arasında 13 milyon dollarlıq müqavilə –Pilotsuz uçuş aparatlarına xidmət göstəriləcək

İsrailin hərbi şirkəti Azərbaycanla 13 milyon dollarlıq müqavilə imzalayacaq.

Yenixeber.org: İsrailin “Aeronautics Military COMPAN” şirkəti Azərbaycanda tenderdə qalib gəldiyini elan edib, bununla yanaşı 13 milyon dollarlıq müqavilə imzalayacağını açıqlayıb.

“Müqaviləyə əsasən, İsrail şirkəti daha öncə satılan “Orbiter 1K” pilotsuz uçuş aparatlarına xidmət göstərəcək”, – deyə “Jerusalem Post” yazıb.

Qeyd edək ki, “Orbiter 1K” PUA-sı partlayıcı yük daşımaq üçün uyğunlaşdırılan gövdəyə malikdir və özünü döyüş əməliyyatlarında müsbət tərəfdən göstərən əvvəlki aparatların müsbət cəhətlərini özündə birləşdirir. “Orbiter 1K” ən az çəkiyə, qanad açılımına, fəaliyyət radiusuna və yükdaşıma xüsusiyyətinə malikdir. Cəmi 30 sm yüksəkliyi və 1 metr uzunluğunda olan mini PUA-nın qanad açılımı 2.2 metrdir. 5500 metr yüksəklikdə və 50 km radiusda kəşfiyyat xarakterli vəzifələri yerinə yetirə bilir. 6.5 kq çəkisi olan “Orbiter 1K” 1.5 kq faydalı yüklə 140 km/saat maksimal sürət toplaya bilir. Uçuş müddəti 2-3 saatdır. Bütün görüntülər və əldə edilən video və telemetrik kəşfiyyat məlumatları 12 saatlıq həcmə malik sərt diskə (bu funksiya digər modellərdə əvəz edilib) yazılır.

Bu PUA-lar hərbi məqsədlər, quruda, dənizdə və havada kəşfiyyat vəzifələrinin yerinə yetirmək üçün nəzərdə tutulub.

“Orbiter 1K” PUA-larının uçuşu avtomatik idarəetmə sistemi ilə təchiz olunub. (Ordu.az)

Facebook-da paylaş

Tarix: 18-02-2019 14:20

Bənzər xəbərlər

Azərbaycanın ilk milli kamikadze PUA-sı –ARAŞDIRMA

Azərbaycan ordusunun arsenalında “Pegasus 120” yükdaşıyan kvadrakopterləri?-Memorandum imzalanıb

AZƏRBAYCANA PUA SATAN İSRAİL ŞİRKƏTİNİN İXRAC LİSENZİYASI BƏRPA EDİLİB –Şirkətə qoyulan qadağanın səbəbi nə idi?

Azərbaycan “SkyStriker” kamikadze dronları alıb-İsraildən

Azərbaycan İsraildən Ermənistanı silkələyən SİLAHLAR ALIR- VİDEO

Rusiya Hindistanda tenderdə qalib gəldi:500 milyonluq...