"Ermənistanın keçmiş məmurlarına qarşı qaldırılmış cinayət işləri kontekstində hazırkı hökumətə lazımi prosedurların tətbiqi, müstəqil və bərabər şəkildə qanunun aliliyini təmin etmək lazımdır".

Yenixeber.org: Bu sözləri "News.am" saytına müsahibəsində ABŞ-ın Ermənistandakı səfiri Riçard Mills deyib. 

O, əlavə edib ki, Nikol Paşinyan hökümətinin şəffaflığın artırılması və korrupsiyanın kökünün kəsilməsi istiqamətində səyləri Vaşinqtonu razı salır: "Biz məhkəmə orqanlarının müstəqilliyini təmin etmək məqsədi ilə bərabər şəraitin təmin olunması, qanunun aliliyinin möhkəmləndirilməsi üçün məhkəmə islahatını daima dəstəkləyirik. Biz əminik ki, hökumət sağlam rəqabət prinsiplərinə sadiq qalacaq".

Qeyd edək ki, Paşinyan hökuməti sabiq prezidentlər Serj Sarkisyan və Robert Koçaryanı təbiq edir, onları cinayət məsuliyyətinə cəlb edir. Birincinin hələlik qardaşları və digər ailə üzvləri, ikincinin isə özü həbs olunub. Rusiya maraqlarına xidmət edən prezidentlərin həbsi isə Moskvanı hiddətləndirib.