AZ
RU
İcra Hakimiyyəti təkzib etdi
"Xeberinfo.com": Kürdəmir rayon İcra Hakimiyyəti media üçün açıqlama yayaraq son günlərdə Brifinq.com saytının yaydığı məlumatı təkzib edib. Açıqlamada bildirilir ki, saytın Kürdəmir rayonunda bayraq yandırılması barədə xəbəri "şər və böhtan xarakterli"dir.
Kürdəmir rayon İcra Hakimiyyəti bildirir ki, verilən yazıların heç bir əsası yoxdur: "Hazırda rayonun girişində xüsusi layihəyə əsasən 5 hektar ərazidə “Bayraq meydanı və muzeyi”nin tikintisi aparılır və həmin yerdən götürülən bayraq dirəyi yeni Bayraq meydanına quraşdırılmaq üçün həmin əraziyə aparılmışdır".
Kürdəmir RİH qeyd edir ki, bu kimi böhtan xarakterli yazılarla gündəmə gəlmək istəyən Brifinq.com-un şou yaratmaq istəyi məqsədə müvafiq deyil.
