AZ
RU
Daha bir erməni diversant ələ keçirildi
Qazaxın Kəmərli kəndində erməni diversant ələ keçirilib.
"Xeberinfo.com": Yerli sakinlərin məlumatına görə, hələlik adı açıqlanmayan, amma casus olduğu barədə şübhələr olan erməni əvvəllər icra nümayəndəsi işləmiş Adgözəl adlı şəxsin evinə girməyə çalışıb. Onun ələ keçirilməsilə bağlı səhih məlumat olmasa da, sakinlərin sözlərinə görə, hazırda Azərbaycan ordusunun əsgərləri onu həbs edərək, aparıblar.
Məlumatı Müdafiə Nazirliyinin mətbuat xidmətinin əməkdaşı İsa İsmayılov bildirdi ki, rəsmi məlumat olduqda Müdafiə Nazirliyinin saytında yerləşdirilir.
Hazırda onlarda bu barədə rəsmi məlumatın olub-olmadığı barədə suala isə İ.İsmayılov bildirdi ki, o bu haqda heç bir açıqlama verə bilməz. Məlumatın məxfi və ya açıq xarakter daşıdığı haqqında da nazirliyin sözçüsü heç bir söz demədiyi üçün xəbəri ilkin mənbəyə istinadən yayımladıq.
