AZ
RU
.jpg)
Erməni əsirin ölümünə dair açıqlama
"Xeberinfo.com": “Erməni rəsmiləri təsdiqləyirdilər ki, bu adam içkiyə meyllidir, səhhətində problemlər var. Ola bilsin ki, tutulandan sonra da həyəcanlanıb, sağlamlığında problemlər kəskinləşib. Müdafiə Nazirliyi təklif edə bilər ki, ermənilərin iştirakı ilə tibbi ekspertiza keçirilsin. Sonra heç bir şübhə yeri qalmasın, günahı bizim üstümüzə atmasınlar”.
Bu sözləri musavat.com-a ehtiyatda olan polkovnik-leytenant Üzeyir Cəfərov erməni diversant Karen Petrosyanın qəfil ölümü ilə bağlı danışarkən qeyd etdi. Onun sözlərinə görə, həmin şəxsin səhhətində problemlər olmasını Ermənistan tərəfi də etiraf edib: "Ermənilər Xocayanın da ölümünü Azərbaycanın üstünə yıxmaq istəyirdilər. İndi bu hadisədən də şou düzəltməyə çalışacaqlar, Azərbaycanı gözdən salmaq üçün hər cür təbliğata əl atacaqlar. Sadəcə, diqqətli olmalıyıq, ermənilərin təxribatlarını ifşa etməliyik”.
