AZ
RU
1,7 milyard manat çirkli pulu "yuyan" şəxslərlə bağlı qərar dəyişmədi
Bakıda 1,7 milyard manatı leqallaşdıran şəxslərin istəyi reallaşmadı
Yenixeber.org: Cinayət yolu ilə əldə edilmiş pul vəsaitlərini və ya digər əmlakı leqallaşdırmaqda təqsirləndirilən Malik Əliyev və Vüqar Osmanovun birinci istansiya məhkəməsinin hökmündən verdikləri apellyasiya şikayəti ilə bağlı məhkəmə başa çatıb.
Bakı Apellyasiya Məhkəməsində hakim Rizvan Səfərovun sədrliyi ilə keçirilən prosesdə qərar elan olunub.
Hakimlər kollegiyasının qərarına əsasən, onların şikayəti təmin edilməyib.
Qeyd edək ki, təqsirləndirilən M.Əliyevlə V.Osmanov Bakıda pul köçürmələri ilə məşğul olaraq cinayət yolu ilə əldə olunmuş 1 milyard 700 milyon manat məbləğində pulu saxta müqavilələr əsasında fəaliyyətdə olan xarici şirkətlərin hesabına köçürüblər. Onların Bakıda yerləşən "AgBank"da xidməti otaqları da olub.
Bakı Ağır Cinayətlər Məhkəməsinin hökmü ilə M.Əliyev 10 il, V.Osmanov isə 11 il müddətinə azadlıqdan məhrum edilib.
.jpeg)
