AZ
RU
Müxalifətçi deputat cəzalandırılıb
Türkiyə Böyük Millət Məclisinin (TBMM) CHP-lı millət vəkili Hüseyn Aygünün avtomobili və maaşı müsadirə edilib.
"Xeberinfo.com": Məlumata görə, Aygün keçən il TBMM-nin iclasından öncə polisləri təhqir edib. Təhqir olunan polis məmuru Çətin Çələbi məhkəməyə müraciət edərək şikayətçi olub.
Hakim Aygünə 5 min lirəlik məhkəmə xərclərinin ödənməsi qərarını çıxarıb. Məhkəmə xərclərini 7 gün içində ödəməyən deputatın maşını və maaşı müsadirə edilib.
31 yanvar 2013-cü ildə millət vəkli Mahmud Tanal getdiyi bir məhkəmədə başına gələnləri danışaraq məhkəmənin mülki geyimli polislərlə dolduğunu deyib. Digər millət vəkili isə "Polis olduqlarını necə anladını?" deyib.
Elə bu vaxt Aygün "Mülki geyimli polis olduqları üzlərindən bilinir. Çünki insandan çox əşyaya bənzəyirlər" deyib.
Sözlərinin fərqli başa düşülməsindən sonya jurnalistlərə açıqlama verən Aygün "Eşşək demədim, əşya dedim. Eşşək ən azından bir işə yarayır" deyib.
Qeyd edək ki, Hüseyn Aygün bir neçə gün öncə iftar vaxtı rakı içməsiylə gündəmə gəlmişdi.
.jpg)
