Yenixeber.org:  Beyləqan rayon Təhsil Şöbəsinin müdiri Xuraman Rüstəmovanın haram yolla yiyələndiyi kapital hesabına dəbdəbəli həyat tərzi keçirməsi, oğullarını layiq olmadıqları vəzifələrə yerləşdirməsi, onlara haqq etmədikləri üstün şəraiti yaratması, bütün bunların onların xarakterində təkəbbür, özündənrazılıq, nə yolla olursa-olsun asan qazanc əldə etməyə can atmaq kimi xoşagəlməz cizgilər yaratması barədə yazdıqlarımız yeni-yeni informasiyalarla öz təsdiqini tapır.

Beyləqandakı informatorlarımızdan RealMedia.az-a daxil olan səhih məlumata görə, X. Rüstəmovanın “Təfəkkür” Universitetindən pul gücünə diplom alıb Beyləqan məhkəməsində işə düzələn oğlu Yasin rayonun demaqoq sakinləri ilə gizli iş birliyi quraraq, məhkəmədə çəkişilən məlumatları onlara ötürür və özünün güddüyü maraq qarşılığında kompromat kimi istifadə olunmasına şərait yaradır.

Əldə etdiyimiz digər məlumata görə,Yasin Əliyev iştirak etdiyi məhrəm məclislərin birində 150 min manat rüşvət müqabilində rayonda 1 saylı Dövlət Notariat Kontoruna müdir vəzifəsinə getməyə hazırlaşdığı barədə ağzından söz qaçırıb və deyib ki, bu niyyətinin həyata keçməsi üçün çox az – DNK-nın hazırki müdiri Şəmsiyyə Hüseynovanın müqaviləsinin bitəcəyi iyun ayını gözləməlidir.

İnanırıq ki, sıralarını “təsadüfi şəxslərdən” qoruyan Ədliyyə Nazirliyi Yasin Əliyev kimisini bütöv bir rayona 1 nömrəli notarius vəzifəsinə götürməz.