AZ
RU
Səfirin nəşi Rusiyaya yola salındı –Moskvada Çavuşoğlu qarşılayacaq
Dünən Ankarada qətlə yetirilən səfir Andrey Karlovun nəşi Türkiyənin Esenboğa hava limanından Rusiyaya yola salınıb.
Xeberinfo.com: Yolasalma mərasimində Karlovun xanımı Marina Karlova, ailə üzvləri, həmçinin Türkiyə hökumətinin yüksək vəzifəli şəxsləri iştirak ediblər.
Türkiyə xarici işlər nazirinin müavini Almet Yıldız nazir Mövlud Çavuşoğlunun Moskvada olduğunu və nəşi qarşılayacağını bildirib.
«Elçiyə zaval olmaz. Ölkələrini təmsil edən səfirlər toxunulmazdır. Bu, hüquqda da əksini tapıb. Bu işə terrorun bulaşması anlaşılmazdır», deyə nazir müavini deyib.
Rusiyanın Türkiyədəki səfirliyindən bildiriblər ki, məlum olaydan sonra diplomatik missiya təhlükəsizlik tədbirlərini gücləndirib. Səfirliyin fəaliyyətini dayandırması ilə bağlı isə hər hansı qərar yoxdur.
Qeyd edək ki, səfirin qətlindən sonra Türkiyədəki ABŞ və İran səfirliyi faəliyyətini müvəqqəti dayandırıb.
.jpg)
